Nadal Indian-Uells turnirining 1/8 final bosqichiga yo'l oldi

Bugun bo'lib o'tgan 1/16 bosqichining yana bir uchrashuvida jahonning 4-raketkasi Rafael Nadal ATR reytingida 29-o'rinni egallab turgan britaniyalik Deniel Evansni  7/5, 6/3 hisobida mag'lub etdi.

Uchrashuv 1 soatu 43 daqiqa davom etdi. Ushbu vaqt davomida ispaniyalik tennischi to'rtta eys amalga oshirib, besh bor qo'sh xatoga yo'l qo'ydi. Britaniyalik tennischi esa uchta eys qayd etib, ikki marta qo'sh xatoga yo'l qo'ydi. Bu tennischilarning o'zaro uchinchi uchrashuvi edi va Nadal oradagi farqni yana oshirib oldi, 3:0. 

35 yoshli Nadalning BNP Paribas Open turniridagi navbatdagi raqibi amerikalik Reylli Opelka bo'ladi.