Nadal - qum qoplamali kortlarda 400ta g'alabaga erishgan to'rtinchi tennischi!

Ispaniyalik tennis yulduzi Barselonada davom etayotgan nufuzli turnirning finaliga chiqish barobarida qumli kortlardagi yubiley - 400-g'alabasiga ham erishdi. Rafa dunyo tennis tarixida shunday natijaga erishgan to'rtinchi o'yinchiga aylandi.

Nadalga qadar bunday ko'rsatkichga  avstriyalik Tomas Muster (422), ispaniyalik Manuel Orantes (502) hamda argentinalik Gilermo Vilas (659) erishgan edi. Lekin bu moziy tennischilari Nadaldan ancha ko'p mag'lubiyatga uchrashgan. Rafael 35ta mag'lubiyat qayd etgan. Musterda 127, Orantesda 150, Vilasda 162ta mag'lubiyat bor.