03 okt 09:12
Yangiliklar

Tennis

Nadal "Rolan Garros" uchinchi davrasida kortga chiqdi

Franciya poytaxti Parij shahrida tennis bo'yicha "Katta Dubulg'a" turkumiga kiruvchi "Rolan Garros" turniri davom etmoqda.

Musobaqaning amaldagi g'olibi, dunyoning ikkinchi raketkasi Rafael Nadal Franciya Ochiq chempionatining 1/8 finaliga yo'l oldi. Ispaniyalik tennis yulduzi uchinchi davrada reytingning 74-pog'onasidan joy olgan italiyalik Stefano Travalyani 6/1, 6/4, 6/0 hisoblarida mag'lubiyatga uchratdi.

Bir soatu 35 daqiqa davom etgan bahsda 34 yoshli Nadal 2 ta, 28 yashar Travalya esa 1 ta eys zarbasini amalga oshirdi. Bu tennischilarning ilk rasmiy uchrashuvi edi. Endi Rafa "Rolan Garros" 1/8 finalida amerikalik Sebastyan Kordaga qarshi kortga chiqadi.