Nafisa Mo'minovaning ikkinchi g'alabasi, singlisida mag'lubiyat

7th HDBank Cup International Open Chess 2017 turnirining mukofot jamg'armasi 13 000 AQSH dollarini tashkil qiladi. Musobaqada 21 mamlakatdan 103 nafar ishtirokchi g'oliblik yo'lida dona suryapti.

Bugun turnirda ettinchi partiya uchrashulari o'tkazildi. Mamlakatimizning birinchi raqamli ayol shaxmatchisi Nafisa Mo'minova ikkinchi g'alabasiga erishdi. U qora donalarda o'ynashiga qaramay, hindistonlik Atarva Godboleni mag'lubiyatga uchratdi.

Gulruhbegim Tohirjonova esa aksincha, mag'lubiyat alamini totib ko'rdi. U oq donalarda harakat qilib, reytingda o'zidan yuqorida turgan myanmalik raqibasiga yutqazib qo'ydi.  

Bugun o'tkaziladigan 7-tur uchrashuvlaridan so'ng Mo'minova qo'shimcha ko'rsatkichlarga ko'ra 3,5 ochko bilan 63-o'rinni egallab turibdi. Qirq uchinchi pog'onadagi shaxmatchida ham 3,5 ochko bor. Tohirjonova esa 3 ochko bilan 66-pog'onadan joy olgan.