“Nagoya Oushens” va “Nafit Al Vasat” finalda

Dastlabki bahsda BAA va Yaponiya chempionlari o'zaro hisob-kitob qilishdi. CHorak finalda musobaqaning amaldagi chempionini mag'lubiyatga uchratgan “Nagoya Oushens” klubi yarim finalda ham g'alabani tantana qildi. Kunchiqar yurt jamoasi BAAning “Dibba Al Xissin” klubidan 3:1 hisobida ustun keldi.

Ikkinchi yarim final bahsida esa Iroq chempioni “Nafit Al Vasat” jamoasi Tailand chempioni “CHonburi Blyuveyv”ga qarshi maydonga tushdi. Bu o'yin biroz kutilmagan natija bilan yakunlandi. Iroq chempioni musobaqa mezbonlarini 4:1 hisobida dog'da qoldirishdi. “CHonburi” chorak finalda “Olmaliq” jamoasini xuddi shu hisobda mag'lub etgandi.

Klublar o'rtasidagi Osiyo chempionati

Yarim final, 21.07.2016

“Dibba Al Xissin” (BAA) – “Nagoya Oushens” (Yaponiya) 1:3

Bangkok, “Bangkok Arena”

Gollar: K.Abu Zeid 4 – R.Sakai 11, T.Yoshikava 19

“Nafit Al Vasat” (Iroq) – “CHonburi Blyuveyv” (Tailand) 4:1

Bangkok, “Bangkok Arena”

Gollar: Qudrat Bahodori 40, 43, Farhod Tavakoli 43, Volid Xolid Fahim 45 – Jiravat Sorinvichan 16

CHetlatishlar: Xapa, Nattavut (ikkisi ham “CHonburi”)