21 apr 16:35
Yangiliklar

Gandbol

Namanganda gandbol bo'yicha O'zbekiston chempionati o'tkazildi + FOTO

13-20 aprel kunlari Namangan shahrida U-18 qizlar va o'g'il bolalar jamoalari o'rtasida gandbol bo'yicha O'zbekiston chempionati bo'lib o'tdi.

Deyarli bir hafta mobaynida qizlar birinchiligida 11, o'g'il bolalar musobaqasida esa 10 ta jamoa chempionlik uchun bellashdi.

O'zbekiston Respublikasi Yoshlar siyosati va sport vazirligi hamda O'zbekiston gandbol federaciyasining 2023 yilgi musobaqalar o'tkazish taqvim rejasidan o'rin olgan ushbu chempionat sarhisobiga ko'ra, qizlar orasida andijonlik gandbolchilar chempionlik nashidasini surishdi. SHohsupaning ikkinchi pog'onasini Qoraqalpog'iston Respublikasi vakilalari egallashgan bo'lsa, faxrli uchinchi o'rinni Namangan viloyati jamoasi band etdi.

O'g'il bolalar o'rtasida Surxondaryo viloyati jamoasi zafar quchdi. Andijon viloyati jamoasi ikkinchi, Namangan viloyati jamoasi uchinchi o'rin sohibiga aylandi.

CHempionatning taqdirlash marosimida qatnashgan O'zbekiston gandbol federaciyasi bosh kotibi Ismoiljon Matxoliqov va boshqa rasmiylar g'olib va sovrindor jamoalar sportchilarini erishgan yutuqlari bilan qutlab, ularni qimmatbaho sovg'alar, tegishli darajadagi medal va diplom bilan taqdirlashdi.