18 sen 17:49
Yangiliklar

Boshqalar

Namanganda Jahon chempionati g'olib va sovrindorlari kutib olindi

14-15 sentyabr kunlari Rossiya Federaciyasining Sankt-Peterburg shahrida sambo bo'yicha yoshlar, o'smirlar va kattalar o'rtasida Jahon chempionati bo'lib o'tdi.

CHempionatda 13 davlatdan tashrif buyurgan sportchilar o'zaro bellashishdi. O'zbekiston milliy terma jamoasi tarkibida ishtirok etgan Namangan shahridagi 1-BO'SM tarbiyalanuvchilari Javohir Ibragimov va Abdullo Abdurashidovlar Jahon chempionligini qo'lga kiritishdi. Asadbek Inomov va Abror Mahmudjonovlar kumush medalga sazovor bo'lgan bo'lsa, Obidxon Abdurahmanov bronza medali sohibiga aylandi.

Yakkakurash sport turlariga ixtisoslashtirilgan bolalar-o'smirlar sport maktabi tarbiyalanuvchilari SHermuhammad Muhammadjonov va Asadullo Muhammadjonovlar bronza medalini qo'lga kiritishdi.

Bugun Namangan shahar 1-sonli bolalar-o'smirlar sport maktabida chempion va sovrindorlarni tantanali ravishda kutib olish marosimi bo'lib o'tdi. Tadbirda sportchilarning ota-onalari, ustozlari va sport maktabi tarbiyalanuvchilari ishtirok etdi.