13 fev 08:12
Yangiliklar

Boshqalar

Namanganda motopoyga musobaqalari o'tkazildi

O'zbekiston Respublikasi Prezidentining 2018 yil 12 dekabrdagi “Yoshlarni vatanparvarlik ruhida va jismoniy tarbiyalash hamda chaqiriluvchilarni harbiy-texnik mutaxassisliklar bo'yicha tayyorlash tartibini takomillashtirish bo'yicha qo'shimcha chora-tadbirlar to'g'risida”gi qarorining ijrosi doirasida motopoyga bo'yicha Namangan viloyati hokimi kubogi musobaqalari o'tkazildi.

“Navro'z” umumxalq bayramiga bag'ishlab o'tkazilgan musobaqa O'zbekiston mudofaasiga ko'maklashuvchi “Vatanparvar” tashkilotining Namangan avtomobil maktabida tashkil etildi. Unda Namangan viloyatidagi shahar va tumanlar hamda Farg'ona viloyatidan kelgan jami 68 nafar sportchi g'oliblik uchun bahs olib borishdi.

Sportchilar dvigatel hajmi 65-110 sm/kub, 85-125 sm/kub, 125 sm/kub, 350 sm/kub, 250-500 sm/kub va 650-750 sm/kub bo'lgan sport motocikllarida o'z omadlarini sinab ko'rishdi.

Qiziqarli o'tgan musobaqa yakunlariga ko'ra 1-o'rinni Norin tumani, 2-o'rinni To'raqo'rg'on tumani hamda faxrli 3-o'rinni Pop tumani jamoalari egallashdi. G'oliblar “Vatanparvar” tashkilotining faxriy yorliq va esdalik sovg'alari bilan taqdirlanishdi.