Namanganda trampolin bo'yicha musobaqa yakunlandi

Ushbu sport musobaqasida umumiy hisobda 74 nafar sportchi ishtirok etdi. Bahslarda Viloyat gimnastika bolalar-o'smirlar sport maktabi va Namangan Olimpiya zaxiralari kolleji sportchilari o'z omadini sinab ko'rdilar.

Batutda va akrobatik yo'lakchada sakrash bo'yicha bahslar uchta yosh toifasida tashkil qilindi. Batutda sakrash bahslarida kichik yoshdagi bolalar o'rtasida K.Lim, o'rta guruhda A.Abdullaev, M.Yo'ldoshev, M.Mahmudxonova, kattalar o'rtasidagi bellashuvlarda esa M.Qoriev, R.Rahimovalar tengsiz bo'lishdi.

Akrobatik yo'lakchada sakrash bo'yicha bahslarda kichik guruhda M.Sattoraliev, o'rta guruhda A.Abdulhaev, kattalar o'rtasida esa M.Abdullapattaev g'olib deb topildilar. Musobaqa yakunida g'olib va sovrindorlarga diplomlar topshirildi.