Namanganlik o'smirlar O'zbekiston chempionatida g'olib bo'lishdi

CHempionatda jami sakkizta jamoa 2 guruhga bo'lingan xolada bahslarga kirishishdi.

Jamoalar guruhlarga quyidagicha taqsimlanishdi:

A gruhi

Namangan viloyati,

Qoraqalpog'iston,

Andijon viloyati ,

Toshkent shahar 2-BO'SM,

B gruhi

Samarqand viloyati,

Navoiy viloyati,

Toshkent shahar SO' va EAIBO'SM ,

Toshkent viloyati.

Jamoalar guruhda 3 tadan o'yin o'tkazgan holda eng yaxshi natija qayd etganlar yarim final yo'llanmasini qo'lga kiritishdi.

Yarim finalda Toshkent shahar sport o'yinlari va engil atletikaga ixtisoslashtirilgan bolalar-o'smirlar sport maktabi (SO' va EAIBO'SM) jamoasi Qoraqalpog'iston o'smirlarini 36-22 hisobida mag'lubiyatga uchratib finalga yo'l oldi.

Ikkinchi yarim final bahsida esa namanganlik basketbolchilar 33-24 hisobida Samarqand viloyati jamoasini mag'lubiyatga uchratgan holda finalga chiqishdi.

Finalda esa Toshkent shahri hamda Namangan viloyatidan kelgan yosh sportchilar bahs olib borishdi. Murosasiz va qizg'in kechgan final o'yinida 35-31 hisobi bilan namanganliklarning qo'li baland keldi.

Uchinchi o'rin uchun kechgan Samarqand hamda Qoraqalpog'iston jamoalari o'rtasidagi bahsda 17-15 hisobi bilan samarqandlik yoshlar uchinchi o'rinni qo'lga kiritishdi.

SHu tariqa Namangan viloyati jamoasi “Olimpiya umidlari” O'zbekiston chempionatida tengsiz deb topilishdi.