Naoya Inouening sobiq raqibi Toshkentdagi professional boks oqshomida ringga chiqadi

Ahamiyatlisi, mazkur oqshom doirasida ikkinchi eng engil vaznda dunyoning 11-raqamli bokschisi, britaniyalik Pol Batler ham ringga ko'tariladi. Britaniyaning ushbu vazndagi birinchi raqamli bokschisiga Toshkentda kim raqiblik qilishi hozircha malum emas.

Pol so'nggi bor o'tgan yilning dekabr oyida yaponiyalik Naoya Inouega qarshi mutlaq jahon chempionligi uchun ringga chiqib, mag'lub bo'lgan edi.

SHunindek, 16 iyun kuni Toshkentda kubalik Yan Markos (9-0) ham jang o'tkazadi, lekin uning raqibi nomi ham hozircha malum emas.

Bundan tashqari, Lift Promotions turnirida irlandiyalik Stiven Kayrns (5:0) chexiyalik Maykl Dufek (35-27-2) bilan to'qnash keladi. Yana bir britaniyalik bokschi Joe MakGreyl (7-0) esa nikaragualik Joel Sanches (5-36-1)ga qarshi jang qiladi.

Eslatib o'tamiz, mazkur oqshom doirasida o'zbekistonlik Mujibillo Tursunov (2-0) qozog'istonlik Dilshat Nurimga (5-0) qarshi ringga ko'tariladi.