13 jan 10:21
Yangiliklar

Futbol

"Nasaf" Turkiya klubini mag'lub etdi, bugun Ukraina jamoasi bilan o'yin

Qarshining "Nasaf" klubi Turkiyada davom etayotgan yig'in doirasidagi ilk nazorat uchrashuvini o'tkazdi.

Turkiya quyi ligasi vakili “Tarsus Idman Yurdu” jamoasiga qarshi kechgan uchrashuvda "Nasaf" 2:0 hisobida g'alaba qozondi. Dastlabki gol 10-daqiqada Dragan CHeran tomonidan kiritildi. Ikkinchi golga 78-daqiqada yosh hujumchi Dilshod Xushbakov mualliflik qildi.

“Nasaf” navbatdagi nazorat uchrashuvini bugun, 13 yanvar kuni Ukrainaning “Vorskla” klubiga qarshi o'tkazadi. Bahs mahalliy vaqt bilan soat 16:00da (Toshkent vaqti 18:00) boshlanadi.

"Nasaf" safida birinchi bo'limda maydonga tushganlar: Sanjar Quvvatov, Murodjon Toshmatov, Umarbek Eshmurodov, Igor Golban, Mirg'iyos Sulaymonov, Jasur Hasanov, Najmiddin Normurodov, Dilshod Saitov, Jahongir Aliev, Sanjar Rashidov, Dragan CHeran.

"Nasaf" safida ikkinchi bo'limda maydonga tushganlar: Umidjon Ergashev, SHerzod Nasrullaev, Ilhom Alijonov, G'olib G'aybullaev, Sardor Sadullaev, Islom Kenjaboev, Akmal Mozgovoy, SHarof Muhitdinov, Xudoyorxon Sag'dullaev, Islom Rashidxonov, Dilshod Xushbakov.