"Navbahor" - "Neftchi" o'yinida bu mavsum rekordi qayd etildi

Ushbu turda chempionatimizning 6ta uchrashuvini tomosha qilish uchun stadionlarga jami 44824 nafar muxlis tashrif buyurgan. Yani har bir o'yinga o'rtacha 7470 tomoshabin to'g'ri keldi. 

Ikkinchi turdangi eng ko'p tomoshabin Namangandagi "Markaziy" stadioniga keldi. 18992 muxlis "Navbahor" - "Neftchi" uchrashuvini tomosha qildi. SHunday qilib ushbu bahs 2017 yil hozircha eng ko'p tomoshabin kelgan o'yinga aylandi. 

Bundan oldingi rekord ham Namanganda qayd etilgandi. 1-turdagi "Navbahor" - "Obod" uchrashuviga 12311 muxlis kelgandi. 

Eng kam muxlis esa Toshkentdagi "Paxtakor" stadioniga keldi. "Paxtakor" hamda "Dinamo" o'rtasidagi uchrashuvni 2117 nafar odam kuzatib bordi.