Navoiy viloyat ixtisoslashtirilgan olimpiya zaxiralari maktab-internati qabul jarayonlariga tayyor

O'zbekiston Respublikasi Jismoniy tarbiya va sport vazirining “2020/2021 o'quv yilida Ixtisoslashtirilgan olimpiya zaxiralari maktab-internatlari hamda Olimpiya va milliy sport turlari bo'yicha davlat ixtisoslashtirilgan maktab-internatlarida kasbiy (ijodiy) imtihonlarni tashkil etish to'g'risida”gi 2020 yil 7 avgustdagi 875-son buyrug'iga asosan Navoiy viloyat ixtisoslashtirilgan olimpiya zaxiralari maktab-internatida qabul jarayonlariga qizg'in tayyorgarlik ko'rilmoqda.

Kasbiy (ijodiy) imtihon jarayonlarini adolatli, xolis va shaffof o'tkazilishini taminlash maqsadida hududiy federaciya (uyushma)lar hamda viloyat Jismoniy tarbiya va sport boshqarmasidan mutaxassislar jalb etilgan.

Imtihon jarayonlari bo'lib o'tadigan sport inshootlarida tasdiqlangan sanitariya qoidalari va meyorlariga qatiy rioya qilish yuzasidan kollejning asosiy kirish eshigidan sanitar post va tekshiruvdan o'tib kirish ishlari yo'lga qo'yildi.

Imtihonlarni o'tkazishda imtihon komissiyasi raisi va azolari, guruh nazoratchilari va abiturientlar tibbiy niqob va rezina qo'lqoplarda bo'lishi taminlanadi.

24 avgustdan Navoiy viloyat ixtisoslashtirilgan olimpiya zaxiralari maktab-internatida kasbiy (ijodiy) imtihon jarayonlari boshlanadi va uning adolatli, xolis va shaffof o'tkazilishi yuzasidan barcha ishlar amalga oshiriladi.