Navoiylik yoshlar Olimpiada chempionidan mahorat saboqlari olishdi

Kuni kecha Navoiy shahrida ana shunday tadbirlardan biri o'tkazildi.

Ahamiyatlisi, unda Olimpiya o'yinlari chempionlari Ruslan Nurudinov va Hasanboy Do'smatov kabi taniqli sportchilarimiz ham ishtirok etishdi. Tadbir doirasida bir guruh sportsevar yoshlar Navoiy Olimpiya zaxiralari kollejida jam bo'lishdi. Unda og'ir atletika bo'yicha jahon va Olimpiada rekordchisi Ruslan Nurudinov yoshlar uchun ushbu sportdagi kerakli texnikalar bo'yicha mahorat saboqlarini namoyish qilib berdi.

Malumki, Navoiy viloyati og'ir atletika bo'yicha terma jamoamiz uchun kuchli sportchilarni etkazib berayotgan etakchi hududlardan sanaladi. Olimpiada chempioni bilan tashkil qilingan bunday tadbirlar yoshlar orasida sog'lom turmush tarzini targ'ib qilish, ularning sportga bo'lgan qiziqishlarining yanada ortishi yo'lida beqiyos ahamiyat kasb etadi.