NBU Cup. Qizlar musobaqasida ham birgina tennischimiz qoldi

Qizlar o'rtasidagi musobaqaning chorak finaliga birgina tennischimiz yo'llanma oldi. Turnirda ikkinchi raqam ostida tasniflangan vakilamiz Kamola Umarova rossiyalik SHahzoda Asimovaga hech qanday imkoniyat qoldirmadi - 6:0, 6:0.  

Ikkinchi davra uchrashuvida kortga chiqqan qolgan ikki tennischimiz esa mag'lubiyatga uchradi. Elina SHaripova turnirning to'rtinchi raketkasi rossiyalik Taysiya Pachkalevaga 0:6, 1:6, Laylo Bahodirova esa beshinchi raqam ostida harakat qilayotgan rossiyalik Valeriya Deminovaga 0:6, 4:6 hisobida imkoniyatni boy berdi.