13 okt 06:45
Yangiliklar
Neymar Messini ortda qoldirib, eng yaxshi bo'ldi
Uning saralash davomidagi "InStat Index" statistik markazi bo'yicha ko'rsatkichi 366 ballni tashkil etdi. Ikkinchi pog'onadan Lionel Messi (Argentina) joy oldi - 354 ball. Uchinchi o'rin esa 315 ball to'plagan Aleksis Sanches (CHili)ga nasib etdi.
SHuningdek, Neymar eng ko'p zarba bergan futbolchi ham bo'ldi. PSJ forvardi 90 daqiqa davomida darvoza tomon o'rtacha 4.3tadan to'p yo'naltirgan. Messi esa 3.7tadan zarba yo'lladi.
Bundan tashqari, raqibni aldab o'tish borasida ham Neymarga etadigani topilmadi (256 - o'rtacha 90 daqiqada 17.8 marotaba aldab o'tish). Braziliya terma jamoasining bu boradagi bir o'yinga o'rtacha ko'rsatkichi 47.1.
Neymar o'ziga nisbatan ishlatilgan qo'polliklar borasida ham etakchi (80 - 90 daqiqada o'rtacha 5.6ta qo'pollik). Bu borada Kolumbiya terma jamoasi yarim himoyachisi Xuan Kuadrado ikkinchi bo'ldi (saralash davomida 52 bor).
Argentina terma jamoasining eng yaxshi o'yinchilaridan biri Nikolas Otamendi bo'ldi. U raqibdan to'pni olib qo'yish borasida etakchilik qildi (123 - 90 daqiqada o'rtacha 7.8ta olib qo'yish). SHuningdek, Otamendi himoyada yakkakurashlarni yutishda ham eng yaxshi ko'rsatkich qayd etdi (168 - 90 daqiqada o'rtacha 10.6ta).
Fikrlar