Niderlandiya futzal terma jamoasi ustozi: "O'zbekistonning mundialgacha bo'lgan barcha tayyorgarlik jarayonlarini o'rgandik"

- Jahon chempionatiga tayyorgarlik qanday kechmoqda?

- Tayyorgarlikning yakuniy bosqichidamiz, jamoa sifatida imkon qadar yaxshiroq tayyorgarlik ko'rishga harakat qilyapmiz. Himoya va hujumdagi o'yin uslubimizni aniqlab olishimiz kerak. SHuningdek, o'yin davomidagi kutilmagan holatlar va turli strategiyalarga ham tayyor bo'lishimiz kerak. Eng so'ngida esa, raqib haqida bilgan malumotlarimizni o'z uslubimiz bilan moslashtirib olishimiz kerak.

- Guruhdagi qolgan raqiblar haqida fikr bildirib o'tsangiz?

- To'g'risini aytsam, Paragvay va Kosta-Rika terma jamoalari ayni damda men uchun mavjud emas. Hozirgi paytda, faqat O'zbekiston mavjud va barcha xayollarim ushbu terma jamoaga qarshi kechadigan uchrashuvga qaratilgan. O'zbekiston jamoasi ancha kuchli va yaxshi shakllangan jamoa ekanligidan xabardorman. Raqibimiz har bir jamoaga kuchli qarshilik ko'rsata oladi va bu biz uchun haqiqiy sinov bo'lishi aniq.

- O'zbekiston terma jamoasini o'rganib chiqdingizmi?

- Albatta. Biz O'zbekistonning to'liq tayyorgarlik jarayonini ko'zdan kechirdik. Ular ishtirok etgan o'yinlar, o'yinlarda qo'llanilgan taktika va hokazo. Raqibimizning kuchli va kuchsiz tomonlarini ham bilib oldik. Endi esa ushbu malumotlardan kelib chiqib, o'z o'yinimizni shakllantirishimiz kerak bo'ladi.

Abdulvosit Bektemirov suhbatlashdi