08 iyu 22:41
Yangiliklar

Tennis

Nigina Abduraimova Farg'onadagi turnir g'olibasi!

Farg'ona shahridagi "Istiqlol" kortlari mezbonlik qilayotgan "Fyuchers" turnirining juftliklar bahslari yakunlandi.

Quvonarlisi, sovrin jamg'armasi 25 000 AQSH dollarini tashkil etgan musobaqaning juftlik bahslarida hamyurtimiz Nigina Abduraimova bosh sovrin sohibasiga aylandi. Nigina turkiyalik Berfu CHengiz bilan birga birinchi raqamli juftlik hosil qilgan edi.

Bugun o'tkazilgan hal qiluvchi final uchrashuvida Abduraimova va CHengiz juftligi avstraliyalik Izabella Bozichevich hamda rossiyalik Kseniya Laskutova hamkorligini 4:6, 6:1, katta tay-brekda 10:3 hisobida mag'lub etishdi.