Nig'matov Minsk turnirida 4ta partiya o'tkazdi, bugun yana shuncha o'yin bor

Ushbu musobaqada yurtimiz sharafini FIDE ustasi Ortiq Nig'matov himoya qilyapti. Yosh shaxmatchimiz yaqinda poytaxtimizda o'tkazilgan O'zbekistonning birinchi grossmeysteri Georgiy Agzamov xotirasiga bag'ishlangan “Toshkent-Open 2018” xalqaro turnirida kumush medalni qo'lga kiritgandi. 

Minsk musobaqasining dastlabki kuni shaxmatchilar 4tadan partiyada dona surishdi. Nig'matov ikki uchrashuvda g'alaba qozonib, bir g'alaba va mag'lubiyat qayd etdi. U qora donalarda harakat qilishiga qaramay xalqaro grossmeyster Rauf Mamedov (Ozarbayjon, 2711) bilan durang o'ynashga muvaffaq bo'ldi.

Bugun yana 4ta partiya o'tkaziladi. Hozircha Ortiq Nig'matov 4 imkoniyatdan 2,5 ochkoga ega bo'lib turibdi. Minsk turniri g'olibi 2000 AQSH dollari va kubokni qo'lga kiritadi. Kuchli oltilikdan joy olgan shaxmatchilarga pul mukofoti tasis etilgan.

Xalqaro turnirda 7 davlatdan jami 96 nafar ishtirokchi dona suradi. Xalqaro grossmeysterlar - Anton Korobov (Ukraina, 2736), Dmitriy Andreykin (Rossiya, 2733), Sergey Jigalko (Belarus, 2724), Rauf Mamedov (Ozarbayjon, 2711) singari shaxmat yulduzlarining ishtirok etayotgani musobaqa nufuzidan darak berib turibdi.