Nihoyat, "Jangchilar oroli"ning qaerda joylashgani malum + FOTO

Nihoyat, barchadan sir saqlanib kelinayotgan ushbu mo'jaz orol joylashgan manzil oshkor bo'ldi. "Jangchilar oroli" BAA poytaxti Abu-Dabi shahriga yaqin joydagi orolda joylashgan deb xabar bermoqda Globo Esporte.

BAA hududida 200ga yaqin turli katta-kichik orollar mavjud bo'lib, Dena Uayt ulardan birini ijaraga oldi. Endi u bir nechta UFC turnirlarini aynan shu orolda o'tkazadi. Bu erga AQSH va boshqa davlat jangchilari bemalol kelib, o'z janglarini o'tkazishi mumkin. Faqat karantin nazorati o'ta keskin ko'rinishda bo'ladi. 

Jumladan, "Jangchilar oroli"ga kelayotgan har bir sportchi va murabbiylar ikki hafta davomida karantinda bo'lishadi. Ularning har biri koronavirusga qarshi test topshiradi. Tahlil natijalari elon qilinganidan keyingina sportchiga jang o'tkazishi uchun ruxsat beriladi. 

Xabarda aytilishicha, "Jangchilar oroli"dagi ilk turnir 27 iyun kuni bo'lib o'tadi. UFC promousheni ushbu orolda kamida avgust oyigacha turnirlarni tashkil qiladi.