Nodirbek Abdusattorov: “Bu faqat boshlanishi”

Grossmeysterimiz turnirni mag'lubiyatsiz yakunlab, 3 ta g'alaba qayd etdi. U ayrim partiyalarda hatto ko'proq ochko olish imkoniyati ham bo'lganini takidladi (masalan, Vinsent Keymerga qarshi bahsda).

So'nggi turdagi partiya haqida esa Abdusattorov shunday dedi:

“Bugun boshidanoq durang o'ynashni reja qilgandim. Agar Yorden qora donalarda Parhamga qarshi g'alaba qozonganida, tay-brek bo'lardi. Mabodo buni uddalay olsa, tay-brek ham juda qizg'in o'tardi”.

Nodirbekning so'zlariga ko'ra, turnirning eng muhim lahzalaridan biri 8-turdagi David Navaraga qarshi g'alaba bo'lgan. Aynan shu natijadan keyin turnirdagi vaziyat deyarli hal bo'lgan.

Hozirda Abdusattorov "layv" reytingda 2780 ko'rsatkich bilan dunyo reytingida 4-o'ringa ko'tarilib oldi. Biroq shaxmatchi reytingga ortiqcha etibor qaratmasligini aytdi.

“Men reyting haqida ko'p o'ylamaslikka harakat qilaman. Eng muhimi — barqarorlik. Karlsen va Karuana uzoq vaqtdan buyon yuqori darajada o'ynab kelayotgani ham aynan shuning natijasidir”.

SHuningdek, Nodirbek turnir davomida otasining yonida bo'lgani unga alohida motivaciya berganini ham takidladi.

2026 yil rejalari haqida gapirar ekan, Abdusattorov uchun eng muhim musobaqalardan biri O'zbekistonda o'tadigan SHaxmat Olimpiadasi bo'lishini aytdi.

“O'zimni juda yaxshi his qilyapman. Umid qilamanki, bu faqat boshlanishi va kelajakda ham shu yo'sinda davom etadi”.