Nodirbek Abdusattorov FIDE World Chess Cup musobaqasida qatnashadi

Gap shundaki, FIDEning Markaziy Osiyo 3.4 hududi prezidenti Husan Turdialiev nomidan ushbu tashkilot prezidenti Arkadiy Dvarkovich nomiga bir necha bor iltimosnoma yuborilgandi. Unga ko'ra shaxmat bo'yicha O'zbekiston milliy terma jamoasi azosi, xalqaro grossmeyster, butunjahon shaxmat olimpiadasi g'olibi Nodirbek Abdusattorovning so'nggi yillarda ko'rsatgan natijalari hamda uning imkoniyatlarini hisobga olib, FIDE World Chess Cup musobaqasida qatnashishga munosib nomzod ekanligi aniq faktlar bilan asoslab berilgandi.

Malumki, ushbu musobaqaga belgilangan kvotalardan tashqari FIDE prezidenti ham 5 nafar ishtirokchini mustaqil tavsiya etish huquqiga ega. Ulardan 4 nafari allaqachon malum bo'lib ulgurgan, ammo oxirgi o'rin uchun asosiy davogarlar orasida hamyurtimiz Nodirbek Abdusattorov hamda Hindiston vakili Nihal Sarin nomzodi ilgari surilayotgan edi.

Qilingan harakatlar natijasi o'laroq xalqaro grossmeyster Yudit Polgar, xalqaro grossmeyster Vladimir Kramnik, FIDE ijrochi direktori, xalqaro grossmeyster Viorel Balagan boshchiligidagi Komissiya Hindiston vakili Nihal Sarin hamda o'zbekistonlik Nodirbek Abdusattorovlarning natijalarini ko'rib chiqib, unga ko'ra xalqaro grossmeyster Nodirbek Abdusattorovni FIDE World Chess Cup turnirida ishtirok etishga tavsiya qildi. SHu tariqa vatandoshimiz ushbu nufuzli bellashuvda qatnashish huquqini qo'lga kiritdi.

Malum bo'lishicha, musobaqa 9 sentyabrdan 4 oktyabrga qadar Rossiya Federaciyasining Xanty-Mansiysk shahrida bo'lib o'tadi. Takidlash joiz, nufuzli turnirda O'zbekiston nomidan shaxmat bo'yicha 17-jahon chempioni, xalqaro grossmeyster Rustam Qosimjonov ham ishtirok etadi.