Nodirbek Abdusattorov hamon Ozarbayjondagi turnirda peshqadam bo'lib turibdi

Vugar Gashimov xotirasiga bag'ishlab o'tkazilayotgan ananaviy musobaqada dunyoning nomdor 10 grossmeysterlari qatorida rapid bo'yicha amaldagi jahon chempioni, Butunjahon shaxmat olimpiadasi g'olibi Nodirbek Abdusattorov ham bosh sovrin uchun dona suryapti.

Fairmont Baku mehmonxonasida o'tayotgan musobaqaning ikkinchi kungi bahslari o'z yakuniga etdi. Bugun hamyurtimiz kun davomida uchta o'yin o'tkazdi va ularning 1 tasida g'alaba, 2 tasida durang qayd etdi. 

4-tur. Abdulla Gadimbayli (Ozarbayjon) - Nodirbek Abdusattorov - 0,5 : 0,5

5-tur. Nodirbek Abdusattorov - Vang Xao (Xitoy) - 0,5 : 0,5

6-tur. Sem SHenklend (AQSH) - Nodirbek Abdusattorov 0:1

6-turdan so'ng Abdusattorov hisobidagi ochkolar soni 10 taga etdi. SHaxmatchimiz hamon musobaqani peshqadam sifatida boshqarib bormoqda. Uning eng yaqin taqibchisi Rauf Mamedovda 9 ochko bor. Xitoylik Vang Xao esa 8 ochko bilan kuchli uchlikka yakun yasagan. 

Malumot uchun, Vugar Gashimov xotira turniri 2014 yildan beri o'tkazib kelinadi. Ilk musobaqa Vugar Gashimov tug'ilgan SHamkirda o'tkazilgan. Amaldagi jahon toji sohibi Magnus Karlsen to'rt marotaba (2014, 2015, 2018, 2019) musobaqa g'olibi bo'ldi. Ozarbayjonlik SHaxriyar Mamedyarov ikki bor (2016, 2017) chempionlik shohsupasiga ko'tarilgan. Amerikalik Fabiano Karuana amaldagi (2021) chempion hisoblanadi.