Nodirbek Abdusattorov ishtirok etgan turnirda 1/2 finalchilar malum

Mukofot jamg'armasi 150 ming AQSH dollarini tashkil etuvchi mazkur turnirda chorak final uchrashuvlari o'tkazildi. Saralash bosqichida katta farq bilan birinchi o'rinni egallagan rossiyalik grossmeyster Yan Nepomnyashiy chorak finalda germaniyalik Vinsent Kaymerdan 2.5:1.5 hisobida ustun keldi. 

Amaldagi jahon toji sohibi Magnus Karlsen esa xuddi shu hisobda vetnamlik Le Kuang Lemdan ustun keldi. Rossiyalik grossmeysterlar Vladislav Artemev va Andrey Esipenkolar ham raqiblarini mag'lub etgan holda yarim final ishtirokchisiga aylanishdi. 

1/4 final natijalari:

Yan Nepomnyashiy (Rossiya, 2773) - Vinsent Kaymer (Germaniya, 2664) - 2.5:1.5

Erik Xansen (Kanada, 2606) - Andrey Esipenko (Rossiya, 2714) - 1:3

Vladislav Artemev (Rossiya, 2700) - Liren Ding (Xitoy, 2799) - 2.5:1.5

Le Kuang Lem (Vetnam, 2709) - Magnus Karlsen (Norvegiya, 2865) - 1.5:2.5

1/2 juftliklari: Nepomnyashhiy - Esipenko, Artemev - Karlsen

Eslatib o'tamiz, sayyoramizning eng kuchli grossmeysterlari ishtirok etayotgan turnirda hamyurtimiz, rapid yo'nalishi bo'yicha amaldagi va shu bilan birga eng yosh jahon chempioni Nodirbek Abdusattorov (2651) ham o'z imkoniyatini sinab ko'rgandi.