Nodirbek Abdusattorov noqulay raqibini mag'lub etdi, u hamon peshqadam

Dunyoning 10 nafar grossmeysteri qatnashayotgan ushbu nufuzli musobaqada Nodirbek Abdusattorov (2744) ham muvaffaqiyatli odimlamoqda. Kecha hamyurtimiz 7-turda o'zining noqulay raqiblarida biri, germaniyalik Vinsent Keymer (2738)ni qora donalarda o'ynashiga qaramay, mag'lubiyatga uchratdi. 

Yosh grossmeysterimiz 7 imkoniyatdan 5 ochko jamg'argan holda turnir jadvalida yakka peshqadamligini saqlab qoldi. Uning asosiy taqibchilaridan biri eronlik Parham Maqsudlu (2715) hindistonlik Vidit Santosh Gujrati (2747)dan ustun keldi. U 4,5 ochko bilan ikkinchi o'ringa ko'tarilib oldi. Richard Rapport (Ruminiya, 2717) 7-turda oq donalarda Tai Dai Van Nguen (CHexiya, 2630)ga yutqazib qo'ydi. 

Bugun 8-turda Nodirbekni haqiqiy sinov kutmoqda. Abdusattorov katta ehtimol bilan chempionlik masalasini hal qiladigan bahsda Parham Maqsudluga qarshi oq donalarda o'ynaydi. Tai Dai hamda Rameshbabu Praggnanandha 4 tadan ochko jamg'arib, uchinchi va to'rtinchi o'rinlarni band etishgan. 

"Prague International Chess Festival". 7-tur natijalari:

Mateuj Bartel (Polsha, 2660) - David Navara (CHexiya, 2667) - 1/2:1/2

Rameshbabu Praggnanandha (Hindiston, 2747) - Dommaraju Gukesh (Hindiston, 2743) - 1/2:1/2    

Vinsent Keymer (Germaniya, 2738) - Nodirbek Abdusattorov (O'zbekiston, 2744) - 0:1

Parham Maqsudlu (Eron, 2715) - Vidit Santosh Gujrati (Hindiston, 2747) - 1:0

Richard Rapport (Ruminiya, 2717) - Tai Dai Van Nguen (CHexiya, 2630) - 0:1

"Prague International Chess Festival". 8-tur juftliklari:

David Navara (CHexiya, 2667) - Tai Dai Van Nguen (CHexiya, 2630) 

Vidit Santosh Gujrati (Hindiston, 2747) - Richard Rapport (Ruminiya, 2717)

Nodirbek Abdusattorov (O'zbekiston, 2744) - Parham Maqsudlu (Eron, 2715) 

Dommaraju Gukesh (Hindiston, 2743) - Vinsent Keymer (Germaniya, 2738) 

Mateuj Bartel (Polsha, 2660) - Rameshbabu Praggnanandha (Hindiston, 2747)