Nodirbek Abdusattorov peshqadamlik qilayotgan turnirda bugun 6-tur o'tkaziladi

Dunyoning 10 nafar grossmeysteri qatnashayotgan ushbu nufuzli musobaqada hamyurtimiz Nodirbek Abdusattorov ham muvaffaqiyatli odimlamoqda. Bugun o'tkaziladigan 6-tur oldidan grossmeysterimiz 4 ochko bilan yakka peshqadam bo'lib turibdi. Nodirbek 5 uchrashuvning 3 tasida g'alaba qozongan, 2 tasida esa durangga imzo chekkan. 

Bugun 5-turda Abdusattorov oq donalarda hindistonlik Rameshbabu Praggnanandhaga qarshi bahs olib boradi. Rameshbabu 5 imkoniyatlan 2,5 ochko jamg'argan va u turnir jadvalida qo'shimcha ko'rsatkichlarga ko'ra 6-o'rinni band etgan. 

"Prague International Chess Festival". 6-tur juftliklari:

David Navara (CHexiya, 2667) - Richard Rapport (Ruminiya, 2717)

Tai Dai Van Nguen (CHexiya, 2630) - Parham Maqsudlu (Eron, 2715)

Vidit Santosh Gujrati (Hindiston, 2747) - Vinsent Keymer (Germaniya, 2738)

Nodirbek Abdusattorov (O'zbekiston, 2744) - Rameshbabu Praggnanandha (Hindiston, 2747)

Dommaraju Gukesh (Hindiston, 2743) - Mateuj Bartel (Polsha, 2660)