Nodirbek Abdusattorov Ruminiya turniri etakchilarining biri bilan murosaga keldi

O'z ichiga 5 ta turnirni jamlagan ushbu nufuzli shaxmat musobaqasining umumiy mukofot jamg'armasi 1,5 million AQSH dollarini tashkil etadi. Unda hamyurtimiz Nodirbek Abdusattorov (2766) ham o'z mahoratini namoyish etyapti. Kecha 5-turda u qora donalarda Dommaraju Gukesh (Hindiston, 2763)ga qarshi bahs olib bordi va durangga imzo chekdi.   

Turnirning birinchi raqamli ishtirokchisi Fabiano Karuana (AQSH, 2805) franciyalik Maksim Vashe-Lagrav bilan durang o'ynadi. Kechagi barcha partiyalarda durang natija qayd etilgani etiborga molik holat. Beshinchi turdan so'ng Karuana 3,5 ochko bilan yakka peshqadam bo'lib turibdi. Hindistonliklar Rameshbabu Pragnandha va Dommaraju Gukesh 3 ochko bilan kuchli uchlikka yakun yasashgan.  

Bugun turnirda dam olish kuni sifatida elon qilingan. Oltinchi tur partiyalari ertaga, 2 iyul kuni o'ynaladi. Abdusattorov hozircha 2 ochko bilan 8-o'rinni egallab turibdi. 

Malumot uchun, "Superbet Chess Classic Romania" turnirining mukofot jamg'armasi 350 000 AQSH dollarini tashkil qiladi. CHempion grossmeyster 100 000 dollarni qo'lga kiritadi. 

Turnir ishtirokchilari: Fabiano Karuana (AQSH, 2805), Yan Nepomnyashhiy (FIDE, 2770), Nodirbek Abdusattorov (O'zbekiston, 2766), Dommaraju Gukesh (Hindiston, 2763), Uesli So (AQSH, 2757), Rameshbabu Pragnanandxa (Hindiston, 2747), Anish Giri (Niderlandiya, 2745), Alireza Firuzdja (Franciya, 2737), Maksim Vashe-Lagrav (Franciya, 2732), Bogdan-Danel Dyak (Ruminiya, 2680).