27 iyu 11:22
Yangiliklar

SHaxmat

Nodirbek Abdusattorov Ruminiya turniridagi ishtirokini boshladi

Teglar : Nodirbek Abdusattorov Superbet Chess Classic Romania

Kecha Ruminiya poytaxti Buxarest shahrida shaxmat bo'yicha "Grand Chess Tour" seriyasi doirasidagi "Superbet Chess Classic Romania" turniri start oldi.

O'z ichiga 5 ta turnirlarni jamlovchi ushbu nufuzli shaxmat musobaqasining umumiy mukofot jamg'armasi 1,5 million AQSH dollarini tashkil etadi. Mazkur musobaqada hamyurtimiz Nodirbek Abdusattorov (2766) ham o'z mahoratini namoyish eta boshladi. Kecha 1-turda u oq donalarda harakat qilib, hindistonlik Rameshbabu Praggnanandha (2747) bilan durangga imzo chekdi.

Birinchi turning ikki partiyasida g'alaba qayd etildi. Turnirda birinchi raqam ostida saralangan amerikalik Fabiano Karuana qora donalarda o'ynashiga qaramay, franciyalik Alireza Firuzdjani taslim etdi. Hindistonlik Dommaraju Gukesh esa mezbon shaxmatchi Bogdan-Danel Dyakdan ustun keldi. Qolgan partiyalarda tomonlar murosaga kelishdi.

Malumot uchun, "Superbet Chess Classic Romania" turnirining mukofot jamg'armasi 350 000 AQSH dollarini tashkil qiladi. CHempion grossmeyster 100 000 dollarni qo'lga kiritadi.

Turnir ishtirokchilari: Fabiano Karuana (AQSH, 2805), Yan Nepomnyashhiy (FIDE, 2770), Nodirbek Abdusattorov (O'zbekiston, 2766), Dommaraju Gukesh (Hindiston, 2763), Uesli So (AQSH, 2757), Rameshbabu Pragnanandxa (Hindiston, 2747), Anish Giri (Niderlandiya, 2745), Alireza Firuzdja (Franciya, 2737), Maksim Vashe-Lagrav (Franciya, 2732), Bogdan-Danel Dyak (Ruminiya, 2680).

1-tur natijalari. Firuzdja – Karuana 0-1, Gukesh – Dyak 1-0, Abdusattorov – Pragnanandxa, Vashe-Lagrav – Nepomnyashiy, Giri – So partiyalarida durang qayd etildi.