Nodirbek Abdusattorov Saint Louis Rapid & Blitz turniridagi ishtirokini boshladi

Saint Louis Rapid & Blitz musobaqasi "Grand Chess Tour" loyihasi doirasidagi to'rtinchi turnir bo'lib, uning mukofot jamg'armasi 175 000 AQSH dollarini tashkil qiladi. Kecha boshlangan turnirning g'olib va sovrindorlari 16 avgust kuni malum bo'ladi. Bosh sovrin uchun birinchi raqamli shaxmatchimiz Nodirbek Abdusattorov ham kurashga kirishdi.  

Turnir aylanma formatda, rapid va blic yo'nalishlarida vaqt nazoratida o'tkazilyapti. Grossmeysterlar 9 tur rapid. 18 tur blic yo'nalishida o'zaro dona surishadi. Musobaqaning dastlabki uch kuni rapid, qolgan ikki kuni blic bahslari tashkil etiladi. Rapid qismidagi g'alabaga 2, durangga 1 ochko beriladi. 

Turnir ishtirokchilari: Nodirbek Abdusattorov (O'zbekiston), Levon Aronyan, Fabiano Karuana, Hikaru Nakamura, Lener Dominges, Uesli So (hammasi AQSH), Maksim Vashe-Lagrav, Alirizo Firuzja (ikkisi Franciya), Yan Nepomnyashiy (FIDE), Rameshbabu Pragnanandha (Hindiston)

Musobaqaning ilk kuni shaxmatchilar 3 ta turda to'qnash kelishdi. Nodirbek Abdusattorov 1 tadan g'alaba, durang va mag'lubiyat qayd etdi. Hamyurtimiz mezbonlar vakili Hikaru Nakamurani mag'lub etishni uddaladi. Franciyalik Maksim Vashe-Lagravga imkoniyatni boy berdi. Lener Domingez bilan murosaga keldi. U 3 ochko bilan qo'shimcha ko'rsatkichlarga ko'ra 5-o'rinni egallab turibdi.