Nodirbek Abdusattorov Saint Louis Rapid & Blitz turniridan qancha ishlab oldi?

Saint Louis Rapid & Blitz musobaqasi "Grand Chess Tour" loyihasi doirasidagi to'rtinchi turnir bo'lib, uning mukofot jamg'armasi 175 000 AQSH dollarini tashkil qildi. Bosh sovrin uchun birinchi raqamli shaxmatchimiz Nodirbek Abdusattorov ham kurash olib bordi. 

Besh kun davom etgan rapid va blic yo'nalishidagi turnir yakuniga ko'ra Alirizo Firuzja bosh sovrinni qo'lga kiritdi. Franciyalik grossmeyster chempionlik bilan birga 40 000 dollar mukofot puliga ham ega bo'ldi. Ikkinchi o'rinni egallagan amerikalik Uesli So 30 000, kuchli uchlikka yakun yasagan amerikalik Hikaru Nakamura o'z hamyonini 25 000 dollarga boyitib oldi. 

Nodirbek Abdusattorov esa 10 nafar ishtirokchi orasida 8-o'rinni band etdi va 9 000 AQSH dollariga ega bo'ldi. Musobaqada so'nggi pog'onadan joy olgan hindistonlik Rameshbabu Pragnanandha vataniga 7 000 dollar bilan qaytadi.