Nodirbek Abdusattorov SHusha turnirida ikkinchi o'rinni egalladi + FOTO

Musobaqa rapid va blic yo'nalishlarida o'tkazilib, g'olib va sovrindorlar ikki turnirning umumiy natijalari yig'indisiga ko'ra aniqlandi. O'z tarixida 10-marotaba tashkil etilgan ushbu nufuzli turnirda jami 8 nafar grossmeyster, ular qatorida hamyurtimiz Nodirbek Abdusattorov ham ishtirok etdi. Mamlakatimizning birinchi raqamli shaxmatchisi mazkur musobaqaning 2022 yilgi chempioni hisoblanadi. 

Nodirbek blic bahslarida ajoyib natija qayd etdi. U 10 ochko jamg'arib, blic yo'nalishida 1-o'rinni egalladi. Rossiyalik Yan Nepomnyashiy ikkinchi, hindistonlik Aravindh CHitambaram uchinchi o'rinni band etdi. Abdusattorov rapid bahslarida 8 ochko bilan 4-pog'onadan joy oldi. Uning umumiy turnir chempionligi uchun bir ochko etmay qoldi. Nodirbekdan bir ochko ko'p jamg'argan Yan Nepomnyashiy 10-yubiley turnir chempioniga aylandi. 

Malumot uchun, norvegiyalik Magnus Karlsen turnirning 4 karra g'olibi hisoblanadi. SHaxriyar Mamedyarov ikki bor chempionlikka erishgan bo'lsa, Fabiano Karuana (AQSH), Nodirbek Abdusattorov (O'zbekiston) va Vidit Santosh (Hindiston) bir marotabadan bosh sovringa ega chiqqan. CHempionlar safiga FIDE bayrog'i ostida o'ynagan rossiyalik Yan Nepomnyashiy ham qo'shildi.       

Darvoqe, Nodirbek Abdusattorov Butunjahon shaxmat Olimpiadasidan Toshkentga qaytib, aeroportda tashkil etilgan taqdirlash marosimida qatnashib, hatto uyiga ham bormay, yana samolyotda Bokuga jo'nab ketgandi. CHarchoq alomatlariga qaramay, yosh grossmeysterimiz Vugar Gashimov xotira turnirida juda yaxshi natija ko'rsatdi. Yan Nepomnyashiy esa SHaxmat Olimpiadasida ishtirok etmadi va Bokuga har tomonlama kuchga to'lgan holda kelgandi.