Nodirbek Abdusattorov va boshqa ishtirokchilar Saint Louis Rapid & Blitz turniridan qancha pul ishlab olishdi?

Saint Louis Rapid & Blitz 2025 chempioni bosh sovrin bilan birga 13 reyting ochkosi hamda 40 000 AQSH dollari miqdorida mukofot pulini ham qo'lga kiritdi. Ikkinchi o'rin egasi Fabiano Karuana (AQSH) esa 10 ochko va 30 000 dollarga ega chiqdi. Nodirbekka har ikki blic uchrashuvida ham yutqazgan franciyalik Maksim Vashe-Lagrav uchinchi o'rin sohibi sifatida 8 ochko va 25 000 dollarga ega bo'ldi. 

Blicda birinchi, umumiy ro'yxatda to'rtinchi o'rinni egallagan Nodirbek Abdusattorov 7 ochko hamda 20 000 AQSH dollarini rasmiylashtirdi. Oxirgi 10-o'rinni egallagan amerikalik grossmeyster Sem SHankland 1 ochko va 7 000 dollarlik bo'ldi.        

Bu hisob bo'yicha GCT turkumidagi to'rtinchi musobaqa bo'lib, uning uchtasida ishtirok etib, bittasida chempionga aylangan Maksim Vashe-Lagrav umumiy 28 reyting balli hamda 122 667 dollar mukofot pulini o'ziniki qilib ulgurdi. Abdusattorov ham uchta turnirda qatnashdi va o'z hisobiga 18 ochkoni qo'shib qo'yish barobarida 57 000 AQSH dollari miqdoridagi pul mukofotni o'zining bankdagi hisob raqamiga tushirib qo'ydi.