Nodirbek Abdusattorov yuz foizlik natija bilan yakka peshqadam

Vugar Gashimov xotirasiga bag'ishlab o'tkazilayotgan ananaviy musobaqada dunyoning nomdor 10 grossmeysteri rapid yo'nalishida bosh sovrin uchun bahslarga kirishdi. Ular orasida aynan rapid bo'yicha amaldagi jahon chempioni, Butunjahon shaxmat olimpiadasi g'olibi Nodirbek Abdusattorov ham bor.

Quvonarlisi, yosh xalqaro grossmeyterimiz kecha o'tkazilgan 3 ta partiyaning barchasida kuchli raqiblarini mag'lubiyatga uchratdi. Birinchi turda Fransisko Valexo (Ispaniya) taslim etildi. Keyin ketma-ket mezbon shaxmatchilar - Aydin Suleymanli va SHaxriyar Mamedyarov mag'lubiyatga uchratildi. 

To'rtinchi tur oldidan Nodirbek yuz foizlik ko'rsatkich bilan turnir jadvalida 6 ochko bilan yakka peshqadam bo'lib oldi. Besh ochko to'plagan ozarbayjonlik Rauf Mamedov ikkinchi o'rinni band etgan. Samuel SHenklend (AQSH), Francisko Valexo (Ispaniya) va Van Xao (Xitoy) hisobida 4 tadan ochko bor. 

Birinchi kunning barcha natijalari:

1-tur

Gadimbeyli – Mamedov 0:1

Abdusattorov – Valexo 1:0

Van Xao - Mamedyarov 0,5:0,5

Rapport - Gukesh 0:1

SHenklend – Suleymanli 1:0

2-tur

Valexo – Rapport 1:0

Mamedyarov – SHenklend 0,5:0,5

Mamedov – Gukesh 1:0

Suleymanli – Abdusattorov 0:1

Gadimbeyli - Van Xao 0:1

3-tur

Van Xao – Mamedov 0,5:0,5

SHenklend – Gadimbeyli 0,5:0,5

Abdusattorov – Mamedyarov 1:0

Rapport – Suleymanly 1:0

Gukesh - Valexo 0:1

Turnir jadvali: Nodirbek Abdusattorov - 6 ochko, Mamedov - 5, SHenklend, Valexo, Van Xao - 4 tadan, Rapport, Mamedyarov, Gukesh - 2 tadan, Gadimbeyli - 1, Suleymanli - 0.