Nodirbek Prague Chess Festival chempionligiga yaqin

Dunyoning kuchli grossmeysterlarini o'zida jamlagan musobaqa "Masters", "Challengers" va "Futures" guruhlarida tashkil etilyapti. Quvonarlisi, "Challengers" guruhida qatnashayotgan Nodirbek Yakubboev chempion bo'lishga yaqin turibdi. 

Hamyurtimiz 8-tur uchrashuvida qora donalarda o'ynashiga qaramay, chexiyalik Richard Stalmachni mag'lubiyatga uchratib, 6,5 ochko bilan turnir jadvalida yakka peshqadam bo'lib oldi. Ikkinchi o'rinni egallab turgan daniyalik Yonas Berre hisobida 6 ochko bor. Franciyalik Maruicci Mark`Andria 5 ochko bilan kuchli uchlikka yakun yasagan. 

Bugun so'nggi 9-tur uchrashuvlari o'tkaziladi. Nodirbek oq donalarda Vaclav Finekka qarshi bahs olib boradi. So'nggi tur bizning vaqt bilan soat 15:00da boshlanadi. "Challengers" guruhi g'olibi keyingi yil uchun "Masters" guruhi yo'llanmasini qo'lga kiritadi.