Nodirbek Yakubboev - Aeroflot Open 2024 sovrindori!

The Carlton mehmonxonasida o'tgan ananaviy musobaqaning asosiy turnirida dunyoning 12 davlatidan jami 142 nafar shaxmatchi g'oliblik yo'lida bahs olib borishdi. Ular orasida mamlakatimiz shaxmatchilari ham o'z imkoniyatlarini sinovdan o'tkazishdi.

Quvonarlisi, yosh grossmeysterimiz Nodirbek Yakubboev 9 tur yakunlariga ko'ra 6,5 ochko jamg'arib, kuchli uchlikdan joy oldi. Nodirbek so'nggi turda qora donalarda o'ynashiga qaramay, rossiyalik grossmeyster Aleksandr SHimanovni mag'lubiyatga uchratdi. Eronlik Muhammad Amin Tabatabai 7,5 ochko bilan musobaqa g'olibiga aylandi. Ikkinchi o'rinni egallagan Andrey Esipenko ham Yakubboev singari 6,5 ochko to'pladi. 

Ayollar o'rtasidagi musobaqada eng yaxshi natijani Bibisara Asaubaeva qayd etdi. Qozog'istonlik shaxmatchi 5,5 ochko jamg'ardi. Asosiy musobaqaning mukofot jamg'armasi 15 million rublni tashkil etdi. CHempion 3 million rublga ega bo'ldi.