Nodirbek Yakubboev Aktobe Open 2024 etakchilari safiga qo'shilib oldi

Mukofot jamg'armasi 100 000 AQSH dollarini tashkil etuvchi Aktobe Open 2024 turniri ananaviy tarzda Vladimir Dvorkovich xotirasiga bag'ishlab o'tkazib kelinyapti. Dunyoning ko'zga ko'ringan grossmeysterlari qatorida uch nafar shaxmatchimiz Nodirbek Yakubboev (2665), Muhammadzohid Suyarov (2429) va Muhiddin Madaminov (2504) ham sovrinli o'rinlar uchun dona surmoqda.  

Musobaqaning 6-turida uchchala vakilimiz ham oq donalarda harakat qilishdi. Yakubboev FIDE bayrog'i ostida o'ynayotgan Vasiliy Korchmar (2424) ustidan g'alabaga erishib, etakchilar safiga qo'shilib oldi. Suyarov yana bir FIDE bayrog'i ostida harakat qilayotgan Sergey Lobanov (2506), Madaminov esa kutilmaganda qozog'istonlik Sauat Nurgaliev (2320)ga imkoniyatni boy berib qo'ydi. 

Bugun o'tkaziladigan 7-tur oldidan hindistonlik grossmeyster Abhijit Gupta 6 imkoniyatdan 5 ochko jamg'arib, qo'shimcha ko'rsatkichlarga ko'ra peshqadamlik qilyapti. Bu turda g'alaba qozongan Parham Maqsudlu (Eron) va SHant Sargsyan (Armaniston) ochkolarini 5 taga etkazib, Gupta bilan tenglashib olishdi. 4-12 o'rinlardan joy olgan shaxmatchilar 4,5 tadan ochko jamg'arishgan. Ular safida Nodirbek Yakubboev ham bor. 

Hamyurtlarimiz orasida eng yaxshi natijani ham hozircha Nodirbek Yakubboev qayd etmoqda. Muhammadzohid Suyarov 3, Muhiddin Madaminov esa 2,5 ochkoga ega. Ular mos ravishda 40 va 56-o'rinlarni band etishgan. Bugun o'tkaziladigan 7-turda shaxmatchilarimiz raqiblariga qarshi qora donalarda harakat qilishadi.        

Aktobe Open 2024. 7-tur juftliklari

Valentin Baydeckiy (Avstriya, 2482) - Nodirbek Yakubboev (2665) 

Ergali Suleymen (Qozog'iston, 2254) - Muhammadzohid Suyarov (2429)

Orash SHonazarov (Qozog'iston, 2311) - Muhiddin Madaminov (2504) 

Malumot uchun, Aktobe Open 2024 turniri g'olibi 20 000 dollar mukofot puliga ega bo'ladi. Ikkinchi o'rin sohibi 15 600, uchinchi o'rin egasi esa 11 100 AQSH dollarini qo'lga kiritadi.