Nodirbek Yakubboev asosiy raqibi bilan durang o'ynadi

Polshaning Polyanica-Zdruy shahrida o'tkazilayotgan shaxmat bo'yicha ananaviy “Akiba Rubinstein International Chess Festival” turnirida 8-tur ortda qoldi. O'z tarixida 61-marotaba tashkil etilayotgan ushbu musobaqa 7 ta guruhda o'tkazilayotgan bo'lib, kuchlilar jam bo'lgan “ALREH” guruhida hamyurtimiz, xalqaro grossmeyster Nodirbek Yakubboev bosh sovringa asosiy davogar bo'lib turibdi. Ushbu guruhdan 10 nafar grossmeyster o'rin olgan bo'lib, g'olib 9 tur natijasiga ko'ra, yani bugun aniqlanadi. 

“ALREH” guruhi ishtirokchilari: Aravindh CHithambaram (Hindiston) – 2723, Igor Kovalenko (Ukraina) – 2676, Maykl Adams (Angliya) – 2663, Nodirbek Yakubboev (O'zbekiston) – 2663, Mattias Bluebaum (Germaniya) – 2660, David Navara (CHexiya) – 2650, Radoslav Voytashek (Polsha) – 2648, Mateush Bartel (Polsha) – 2576, Pavel Teclaf (Polsha) – 2571, Yan Klimkovski (Polsha) – 2517

Kecha o'tkazilgan 8-turda Nodirbek Yakubboev eng yaqin taqibchisi germaniyalik grossmeyster Mattias Blubaum bilan durangga imzo chekdi. Vaholanki, Nodirbek bu uchrashuvda g'alabaga juda yaqin edi. SHunga qaramay, Yakubboev 6 ochko bilan turnir jadvalidagi yakka peshqadamligini saqlab qoldi. Mattias 5 ochko bilan qo'shimcha ko'rsatkichlarga ko'ra 2-o'rinni saqlab qoldi. CHexiyalik David Navara va polshalik Radoslav Voytashek hisobida ham 5 tadan ochko bor. 

Bugun hamyurtimiz so'nggi 9-turda ukrainalik grossmeyster Igor Kovalenkoga qarshi qora donalarda o'ynaydi. Kovalenko 4 ochko bilan 5-o'rindan joy olgan. Ushbu bahsdagi durang natija ham Nodirbek Yakubboevni 61th Rubinstein Memorial chempioniga aylantiradi.