26 okt 14:57
Yangiliklar

Gandbol

Norin tumani gandbolchilari – musobaqa g'olibi!

Namangandagi sport o'yinlari va engil atletikaga ixtisoslashtirilgan “Barkamol avlod” sport majmuasida “Besh tashabbus olimpiadasi” doirasida mahalla yoshlari o'rtasida sportning gandbol turi bo'yicha mahalla uyushmasi kubogi musobaqasi o'tkazildi.

Ochilish marosimida viloyat hokimligi kotibiyat mudiri Faxriddin Yo'ldoshev, O'zbekiston mahallalar uyushmasi viloyat boshqarmasi boshlig'i Ilhom Ikromov, viloyat sport boshqarmasi boshlig'i Anvar To'ychiev, viloyat Yoshlar ishlari boshqarmasi boshlig'i Baxtiyor Mirzatov ishtirok etdi.

Musobaqada mahallalarda istiqomat qiluvchi 17-30 yoshli o'smirlardan tarkib topgan 14 jamoa o'zaro bahs olib bordi. Yakuniy natijalarga ko'ra, Norin tumani jamoasi birinchi, uchqo'rg'onlik sportchilar ikkinchi va Kosonsoy tumani gandbolchilari uchinchi o'rinni egalladi.

G'olib jamoalarga tashkilotchilar tomonidan diplom, medal va qimmatbaho sovg'alar topshirildi.