Novak Jokovich: "Kuchli juftliksiz "Devis Kubogi"ni yutib bo'lmaydi"

"Biz kortga g'alabaga ishongan holda chiqdik. Agar oq bayroqni tashlashga tayyor bo'lsak, nima uchun maydonga chiqamiz? Biz har doim bu o'yin qarama-qarshilikdagi eng qiyini bo'lishini bilardik. CHunki, bizga dunyodagi eng yaxshi juftlik raqiblik qilayotgandi. Ular har doim birga o'ynashadi va bir-birlarini juda yaxshi tushunishadi. Ular juftlik o'yinlarida mutaxassis tennischilar. Bu ularning o'yini, ular shunga etibor qaratishgan.

Biz u qadar ko'p tandemda o'ynamaganmiz. "Devis Kubogi"ni qo'lga kiritish uchun bizga juftlik o'yinlari bo'yicha ko'proq mutaxassis va kuchli juftlik kerak. Aks holda g'alaba qozonish qiyin bo'ladi. Bu xuddi maydondagi lotereyaga o'xshaydi, chunki ular bir-birlarini juda yaxshi tushunib harakat qilishadi. Ular to'p qaerga harakatlanishini aniq bilishadi.

Biz uchun bunday emas. To'pni maydon o'rtasiga olib chiqamiz, yakkalik bahslarida bu etarli. Ammo, juftlikda ular bu hududni qamrab oladi va osongina ochko yutadi. Muvaffaqiyatsiz bo'lsangiz, muammolar boshlanadi. Ular o'yin davomida bizga bosim o'tkazishdi. Biz harakat qildik, lekin bu natija bermadi. Biz albatta, juftliklar o'yinida yaxshilanishimiz kerak. Terma jamoaga doim birga o'ynaydigan juftlik kerak, aks holda har bir bunday o'yin Everestni zabt etishdek bo'laveradi", - deya Jokovichning so'zlaridan iqtibos keltiradi Okko Sport.