Noyer jamoadoshlaridan uzr so'radi

Darvozabon jarima maydonchasi tashqarisida Jeremi Frimpongni qo'pollik bilan to'xtatib qoldi. Bu 38 yoshli kiperning faoliyatidagi ilk qizil kartochka bo'ldi. "Bavariya" "Bayer"ga 0:1 hisobida imkoniyatni boy berib, musobaqani tark etdi.

"Bu o'yin taqdiriga bevosita tasir ko'rsatdi. Mag'lubiyat biz uchun og'ir va men bundan afsusdaman. Jamoadoshlarimdan uzr so'radim. O'sha vaziyatda men kichik ofsayddan ham umid qilgandim. Endi buni o'zgartira olmayman. Bu xato edi va uni tan olishim kerak. Afsuski, boshqa ilojim ham yo'q".