Nurmagomedov Islam Maxachevning istefosini kutyapti

Usman Islam UFC`dan ketganidan keyin uning chempionlik o'rnini egallamoqchi.  

"To'g'risini aytsam, Islamning faoliyatini yakunlashini kutyapman. Hozir 26 yoshman va ikki yildan keyin to'liq kuchga to'laman. 32-33 yoshgacha yuqori sport formasida jang qila olaman. Ungacha tajriba va kuch to'plab olishim kerak. Aleksandr SHabliy bilan jangimda jismoniy tayyorgarlik va tajriba haqidagi tushunchaga ega bo'ldim. Raqibimning jismoniy holati menikidan yaxshiroq edi. Bu hammasi tajriba ortidan keladi", - deya  Gorilla Fighting kanaliga intervyu bergan Usman Nurmagomedov. 

Eslatib o'tamiz, o'tgan oyda Usman Nurmagomedov hamyurti Aleksandr SHabliyga qarshi kechgan besh raundlik to'liq jangda Bellator chempionlik kamarini muvaffaqiyatli himoya qilgandi. Uning keyingi raqibi katta ehtimol bilan irlandiyalik Pol Xyuz bo'lishi kerak. Pol kuni kecha davogarlar jangida amerikalik Ey Jey MakKini mag'lub etgandi.