Nursulton Ro'ziboev oktagonga chiqadigan turnirining markaziy jangi elon qilindi

Tashkilotchilar UFC on ESPN 54 oqshomining markaziy jangini elon qilishdi. Ayollar o'rtasida eng engil vazn toifasidagi ushbu jang davogarlik maqomida bo'lib, unda Erin Blenchfild va Manon Fioro o'zaro oktagonda to'qnash kelishadi. Aslida turnirning asosiy jangi yarimo'rta vaznda SHon Bredi va Visente Luke o'rtasida o'tkazilishi kerak edi. 

Malumot uchun, Erin ham, Manon ham mag'lubiyat nimaligini bilmay kelyapti. Ularning har ikkisi ham ketma-ket 6 ta jangda g'alaba qozonishgan. Blenchfild so'nggi jangida Taila Santosni, Fioro esa sobiq UFC chempioni Rouz Namayunasni ochkolar hisobiga ko'ra mag'lubiyatga uchratdi.

Ayni paytda Erin Blenchfild UFC reytingida ikkinchi, Manon Fioro esa uchinchi o'rinni egallab turibdi. Ushbu vaznda meksikalik Aleksa Grasso chempionlik kamari sohibi bo'lsa, sobiq chempion Valentina SHevchenko reytingda birinchi o'rinni band etgan.

Darvoqe, Nursulton Ro'ziboev aynan 30 mart kuni bo'lib o'tadigan UFC on ESPN 54 turnirida Sedrik Dyumaga qarshi oktagonga chiqadi.