Nurudinov Olimpiadada ishtirok etadimi? Federaciya rais o'rinbosari bu savolga javob berdi

Og'ir atletikachimizga berilgan jazo 2018 yilning 2018 yilning 18 dekabridan kuchga kirdi va 2020 yilning 17 dekabr kuni yakuniga etadi. 

Tabiiy savol tug'iladi: shu yil dekabr oyida diskvalifikaciyasi yakunlanadigan Nurudinov 2021 yilning yoziga qoldirilgan Tokio Olimpiadasida ishtirok eta oladimi? Bu savolga O'zbekiston og'ir atletika federaciyasi rais o'rinbosari SHahrullo Mahmudovdan javob oldik.

"Ha, haqiqatan ham Ruslanning ikki yillik diskvalifikaciyasi tasdiqlandi. Advokatimiz muddatni kamaytirish bo'yicha sud jarayonlarida qatnashdi. Bu holatda beriladigan muddat 4-5 yil ham bo'lib ketishi mumkin edi. Eng muhimi, biz Ruslan Nuridinov qo'lga kiritgan barcha medallarni o'z kuchida saqlab qolishga erishdik. SHu yilning 17 dekabr kuni diskvalifikaciya muddati yakunlanadi. Ertasi kunidan bemalol musobaqalarda ishtirok etishi mumkin. Lekin Tokio Olimpiadasida qatnasha olmaydi. Birinchidan, uning bugungi jismoniy holati va sport formasi, ikkinchidan, reytingdagi o'rni. Ruslanning vaznida yosh atletimiz Akbar Jo'raev bor. SHu yil kuzda 21 yoshga to'ladigan bu sportchimiz kattalar o'rtasidagi jahon chempionati sovrindori hisoblanadi. Tokio Olimpidasida unga katta ishonch bildiryapmiz. Ruslan esa sport formasini tiklab borib, kelasi yili o'tkaziladigan Osiyo va jahon chempionatlarida o'zini sinab ko'radi. Hammasi o'zini qo'lida. Nasib qilsa, u bu ishtiroklari orqali 2022 yilgi Osiyo o'yinlariga tayyorgarlik ko'radi", - dedi SH.Mahmudov.           

Malumot uchun, Ruslan Nurudinovning 2012 yili Londonda o'tkazilgan Olimpiya o'yinlaridagi doping-tahlili ijobiy natija bergan edi. 

Suratda - Akbar Jo'raev