"Obod" - "Paxtakor" 1:4. "SHerlar" uchinchi o'ringa ko'tarilishdi

O'yinning 12-daqiqasida SHerzod Karimovning jarima to'pidan yo'llagan zarbasini mezbonlar posboni qaytardi. 17-daqiqada Azamat Ahmedov ketma-ket ikki marta o'z darvozasini goldan saqlab qoldi. 

30-daqiqada Doniyor Hasanovning zarbasi yo'liga Aleksandr Lobanov to'g'anoq bo'ldi. 32-daqiqada bosh hakam tomonidan belgilangan penaltini Igor Sergeev aniq amalga oshirib hisobni ochdi - 0:1. 

Ikkinchi taym boshida Jasur Hakimov himoyachidan kelgan to'pni darvozaga yo'lladi - 0:2. Oradan o'n daqiqa o'tgach SHerzod Karimovning pasidan so'ng Igor Sergeev dublga erishdi - 0:3. 

67-daqiqada zaxiradan maydonga tushgan Islomjon Ismoilov hisobni qisqartirdi - 1:3. Hakam tomonidan qo'shib berilgan daqiqalarda Behruz Sadullaev Sergeevdan kelgan pasni golga aylantirdi - 1:4. 

Oliy Liga, 15-tur

Obod (Toshkent) – Paxtakor (Toshkent) 1:4

24 iyun 2017. Toshkent. "Jar" stadioni. 18:30.

Gollar: Igor Sergeev 32 penalti, - 0:1. Jasur Hakimov 51, - 0:2. Igor Sergeev 61, - 0:3. Islomjon Ismoilov 67, - 1:3. Behruz Sadullaev 90+1, - 1:4. 

"Obod": Azamat Ahmedov, Abror Xusinov, Anvar G'ofurov, G'ayrat Umirov, SHerzod Jalilov, Doniyor Hasanov, Pavel Solomin (Idris Bikmaykin, 68), Sunnatilla Ermatov, SHoxruz Norxonov, Sardor Qahhorov (Islom Ismoilov, 55), Ismoil Jasurxo'ja (Timur Vasilev, 46)

"Paxtakor": Aleksandr Lobanov, Xojiakbar Alijonov, Akbar Ismatullaev, Azim Ahmedov, SHerzod Karimov, Igor Sergeev, Suhrob Nurullaev (Behruz Sadullaev, 86), Jasurbek Hakimov (Doston Ibrohimov, 74), Davron Hoshimov (Xushnudbek Avilov, 63), Vladimir Kozak, Jamshid Yusupov.

Hakamlar: I. Tantashev (Buxoro), A. Capenko (Toshkent vil.), R. Nugmanov (Toshkent), F. Norsafarov (Karshi)

Ogohlantirish: Azim Ahmedov 35.