OCHL-2017. Kovalenko boshqargan o'yinda Karlos Teves jamoasi guruh bosqichiga chiqa olmadi

Ayni paytda dunyoning eng ko'p maosh oluvchi futbolchisi Karlos Teves o'ynayotgan "SHanxay SHenxua" klubi o'z maydonida Avstraliyaning "Brisben Roar" klubini qabul qildi. O'yinda mehmonlar birinchi bo'limda ikkita gol urishdi va bahs oxirigacha shu hisobni saqlab qolishdi. SHu tariqa, "SHanxay SHenxua" OCHL guruh bosqichiga chiqa olmadi. 

"Brisben Roar" "E" guruhida "Kashima Antlers" (Yaponiya), "Muangtong Yunayted" (Tailand), "Ulsan Xyunday" (Janubiy Koreya) klublari bilan o'ynaydi. 

"SHanxay SHenxua" - "Brisben Roar" 0:2
Bosh hakam: Valentin Kovalenko (O'zbekiston)
Gollar: Brendan Borello 2, Tommi Oar 40
"SHanxay SHenxua": Li SHuai, Tao Jin, Vang Lin, Ki Xi Kim, Bai Jiajun, Jovanni Moreno, Kin SHeng, Kao Yunding, Sun SHilin, Karlos Teves, Obafemi Martins
"Brisben Roar": Yang, Nort, De Vere, Xingert, Braun, Kristensen, Broix, Makkey, Oar, Maklaren, Borello.