OCHL. Bosh sovrin ketma-ket 7-marta SHarqqa ketdi

Tehrondagi "Ozodi" stadionida kechgan ikkinchi final o'yinida hisob ochilmadi. Birinchi uchrashuvda "Kashima Antlers" 2:0 hisobida zafar quchgandi. Natijada yaponiyaliklar bu yilgi musobaqada g'oliblikni qo'lga kiritishdi.

Qizig'i shundaki, OCHL yo'lga qo'yilganidan beri ketma-ket ikkinchi marta yapon klublari zafar quchdi. O'tgan yil "Urava Reds" chempionlikni qo'lga kiritgandi, bu mavsum esa "Kashima"ga teng keladigani topilmadi. Xuddi shuningdek 2007/2008 yilgi mavsumlarda ham ketma-ket yapon klublari zafar quchgan. Xususan 2007 yil "Urava Reds", oradan bir yil o'tib esa "Gamba Osaka" chempion bo'lgan.

Statistikaga murojaat qiladigan bo'lsak, qatorasiga ettinchi bor bosh sovrin SHarq mintaqasiga ketdi. Oxirgi marta 2011 yil G'arb vakili "Al Sadd" OCHLda zafar quchgandi. SHundan beri "g'arbliklar"ga hech omad kulib boqmayapti.

Osiyo chempionlar ligasining barcha sovrindorlari

2002/03 y. G'olib - "Al Ayn" (BAA); finalchi - "Bek Tero Sasana" (Tailand)
2004 y. G'olib - "Al Ittihod" (S.Arabistoni); finalchi - "Seongnam Ilva CHunma" (J.Koreya)
2005 y. G'olib - "Al Ittihod" (S.Arabistoni); finalchi - "Al Ayn" (BAA)
2006 y. G'olib - "CHonbuk Xyunday" (J.Koreya); finalchi - "Al Karama" (Suriya)
2007 y. G'olib - "Urava Reds" (Yaponiya); finalchi - "Sepaxon" (Eron)
2008 y. G'olib - "Gamba Osaka" (Yaponiya); finalchi - "Adelaida Yunayted" (Avstraliya)
2009 y. G'olib - "Poxang Stilers" (J.Koreya); finalchi - "Al Ittihod" (S.Arabistoni)
2010 y. G'olib - "Seongnam Ilva CHunma" (J.Koreya); finalchi - "Zobaxan" (Eron)
2011 y. G'olib - "Al Sadd" (Qatar); finalchi - "CHonbuk Xyunday" (J.Koreya)
2012 y. G'olib - "Ulsan Xyunday" (J.Koreya); finalchi - "Al Ahli" (S.Arabistoni)
2013 y. G'olib - "Guangju Evergrand" (Xitoy); finalchi - "FK Seul" (J.Koreya)
2014 y. G'olib - "Vestern Sidney" (Avstraliya); finalchi - "Al Hilol" (S.Arabistoni)
2015 y. G'olib - "Guangju Evergrand" (Xitoy); finalchi - "Al Ahli" (BAA)
2016 y. G'olib - "CHonbuk Xyunday" (J.Koreya); finalchi - "Al Ayn" (BAA)
2017 y. G'olib - "Urava Reds" (Yaponiya); finalchi - "Al Hilol" (S.Arabistoni)
2018 y. G'olib - "Kashima Antlers" (Yaponiya); finalchi - "Persepolis" (Eron)