O'FF Prezidenti Umid Ahmadjonov eng yaxshilarni taqdirlash marosimida ishtirok etadi

23 oktyabr kuni Londonda FIFAning yil yakunlariga bag'ishlangan ananaviy gala-oqshomi bo'lib o'tadi. “The Best FIFA Football Awards 2017” deb nomlangan ushbu tantanali kechada O'FF delegaciyasi ham ishtirok etadi.

Mazkur tadbir arafasida Umid Ahmadjonov va Bobur SHodiev dunyoning bir qator futbol federaciyalarining rahbarlari va delegaciyasi azolari bilan uchrashib, o'zaro fikr almashishni rejalashtirgan. SHu jumladan, Angliya Futbol Uyushmasining prezidenti Greg Klark bilan ham uchrashuv tashrif dasturidan o'rin olgan.
FIFAnnig yil yakunlariga bag'ishlangan tantanasida sayyoramizning eng yaxshi futbolchilari va murabbiylariga futbol olamining dunyo miqyosidagi eng nufuzli sovrinlari topshiriladi. “The Best FIFA Football Awards” deb nomlangan mazkur tadbir 2016 yilda sobiq “Ballon d’OR” (“Oltin to'p”) mukofotining o'rniga tasis qilingan edi.
Bu yilgi tadbir Londonning muhtasham “Palladium” teatrida bo'lib o'tadi. Tadbirni dunyoga mashhur boshlovchilar Idris Elba va Laylo-Anna Lilar olib boradi. Sobiq va bugungi kun futbolchilari – Roberto Di Matteo, Jey-jey Okocha, Aleks Skott, Andrey SHevchenko va Piter SHilton kabi yulduzlar tadbirning elchilari sifatida ishtirok etadilar.
Dushanba oqshomida bo'lib o'tadigan ushbu tantanadagi dunyoning eng yaxshi erkak futbolchisi va ayol futbolchisi, shuningdek, eng yaxshi erkaklar jamoasining murabbiyi, eng yaxshi ayollar jamoasining murabbiyi kabi nominaciyalarda g'oliblar taqdirlanadi. G'oliblar FIFAga azo mamlakatlarning murabbiylari, futbolchilari va ommaviy axborot vositalari vakillarining ovozlari asosida aniqlanadi. Aynan shu to'rt mukofot kechaning bosh mukofotlari sanaladi.

Umuman olganda esa FIFA gala-oqshomida 8 ta nominaciyada g'olib taqdirlanib, 11 kishidan iborat dunyoning ramziy terma jamoasi ham aniqlanadi.
FIFAning “The Best Football Awards 2017” marosimi FIFA rasmiy sayti va FIFAning “Youtube”dagi rasmiy kanali orqali namoyish etiladi.