Og'ir atletikachilarimiz onlayn mashg'ulotda o'z mahoratlarini namoyish qilishdi

Hozirda nafaqat Osiyo balki, jahonning etakchi terma jamoalari qatorida tilga olinadigan mazkur jamoamiz mashg'ulotini MOQ va O'zbekiston og'ir atletika federaciyasi rahbariyati kuzatib bordi. Mashg'ulotda terma jamoamizning tajribali murabbiylari 12 nafar sportchimizning harakatlarini nazorat qilib borishdi.

Mashg'ulot davomida terma jamoamizda faoliyat olib borayotgan qozog'istonlik mutaxassis Erjas Boltaev har bir sportchimiz uchun individual yondashayotgani haqida takidlab o'tdi.

“Hozir barcha sport turlarida ilm-fan o'sib bormoqda. SHu jumladan, og'ir atletikada ham. Kechagi metodikani bugun butun boshli jamoaga bir xilda qo'llab bo'lmaydi. Har bir sportchi bilan alohida ishlash kerak. Bu orqali jamoadagi atletlarning kuchsiz jihatlarini birdek rivojlantirib borish mumkin”, – dedi Erjas Boltaev.

Og'ir atletikachilarimizning kuni kecha ilk bor tashkil qilingan onlayn xalqaro musobaqada muvaffaqiyatli ishtirok etishgani ko'pchilikning diqqat-markazida bo'ldi. Bugungi tadbir davomida polvonlarimizga yanada katta motivaciya berish maqsadida shu kabi onlayn musobaqalarni yanada ko'paytirish bo'yicha taklif va fikrlar bildirildi. Xususan, yaqin vaqt ichida O'zbekiston tomonining tashabbusi bilan katta masshtabdagi xalqaro onlayn musobaqani tashkil qilish ustida ish olib borilayotgani haqida takidlandi.