Olga Zabelinskaya Toshkentda. U Rustam SHoabdurahmonov bilan uchrashdi FOTO

Yurtdoshimiz bu erda terma jamoamizning qolgan vakillari bilan yana bir necha kundan so'ng Janubiy Koreyada bo'lib o'tadigan velotrek bo'yicha Osiyo chempionatiga hozirlik ko'rmoqda. 

Terma jamoamiz vakillarining mashg'ulot jarayonlarini ko'zdan kechirish, ularning muammolariga quloq tutish maqsadida Milliy olimpiya qo'mitasi rahbari Rustam SHoabdurahmonov velotrek bazasiga tashrif buyurdi. Suhbat davomida Zabelinskaya hamda Murotjon Xolmurodovning trek bahslarida Tokio Olimpiadasiga qo'lga kiritishi mumkin bo'lgan yo'llanmalari, buning uchun kerakli shart-sharoitlar yaratib berish borasida ko'rsatmalar berildi. SHuningdek, velosportni yanada targ'ib qilish yo'lida federaciya mutasaddilari bilan ommaviy sport tadbirlarini yanada ko'proq tashkillashtirish bo'yicha fikr almashildi.